ديك والفرخه شعر باللهجة المصرية
*****
ديْـــك تــــــْشينى و الفرخة
**
ديــْكْ هنا .. والفرخة جايّهْ
يعــْملوا بينا إجـْتماعْ
ينهوا آخر تمثيليهْ ...
ع الوطن بعد الضياعْ
ليه يا أمة بعــْتى قدسك ْ ؟؟
بعتى أرضك ْ ...
وارْتضيتى بالهوانْ ؟؟
ليهْ يا أمة تسْكتى ..
عن حقّ ظاهر ْ للعيان ْ ؟؟
**
ديكْ هنا ... والفرخه جايّه
عهد بوش لسـّه طويل ْ
واللىّ بعده يجى زيّه ..
إبن آوى وابن حيّـهْ
قومى يلـْلا ّ .. قولى كلمهْ
والله مافى مــُسـْتحيلْ
**
إحـْنا فينْ .. والعصر جارفْ
يخــْلع النخلة الضعيفه ْ
يضربْ المرْبوط .. على عينك ياشايف ْ
تخـْتفى روس فى التراب..
وتموت ملوك من ْ خـضّةِ النظـْره المـُخيفهْ
**
ليهْ يا أمة إتــْضيّعى فرصةْ وجودْ
التمنْ كان بسْ وقفهْ
خالية من ضعف الجبانْ
خالية من طعم ْ الهوان ْ
التمنْ كان يبقى ذكرى للخلودْ
ليــْه يا أمهْ إتـْضيعى فرصة ْ وجودْ
**
المانيا
*ديك تشينى نائب الرئيس السفاح بوش
*الفرخه : هى : كوندو ليزا رايس وزيرة خارجية إدارة الجنون
* شعر / عبد الله نافع/24.03.08
ليست هناك تعليقات:
إرسال تعليق